Un ano máis, velaquí
está de novo o caderno docente do próximo curso para celebrar a inminente
chegada das vacacións de verán, desta vez máis merecidas ca nunca (vaia aniño
intenso, mi madriña!).
Tras varios cursos
mantendo a mesma distribución e estética do caderno, nesta ocasión decidín
cambiar un chisco e optar por unha liña máis limpa e sinxela, sen tanta cor e
fundindo os apartados do planificador e da axenda nun, a ver que tal resulta.
Se premedes AQUÍ
poderedes descargar gratuitamente o caderno. No seu interior atoparedes:
Portada,
contraportada e apartado de datos persoais:
Calendario
escolar (nesta ocasión de CIG Ensino) e horarios:
Apartado de
gardas e separador trimestral:
Anotacións mensuais
co seu correspondente calendario á dereita:
Táboa de
planificación semanal cunha última fila pensada para utilizar a modo de axenda:
Listaxes sinxelas
de alumnado e cualificacións trimestrais (emprego un caderno a parte para
anotacións e un seguimento máis exhaustivo):
Ao fina do
caderno hai tamén varias páxinas punteadas para anotacións, debuxos, ideas e
demáis.
E isto é todo.
Coma sempre, se detectades algún erro no caderno ou tedes algunha suxestión
sobre o mesmo, os comentarios están abertos. Tamén podedes contactar comigo por
Instagram (@dandoanota), aínda que cada vez estou menos activa polos mundos
virtuais.
Agardo que
pasedes unhas boas vacacións, sempre con sentidiño, para ter unha volta o máis
calma posible.
Saúdos e saúde!
Que a música vos acompañe!
*Acceso ao Drive do caderno (última modificación 01/07)
Hai catro anos xa compartía con vós algunhas ideas para realizar na aula de Música dentro destas datas (clic aquí). Hoxe veño a partillar outras novas e algunhas que tiven que adaptar á nova normalidade porque non quería renunciar a elas. Agardo que vos sexan de utilidade!
1. Danza Macabra (fragmento) de Camille Saint-Saëns.
Amo este poema sinfónico e tódalas posibilidades que ofrece: dramatizacións, coreografías con panos de cores, creación de historias... pero este curso apetecíame facer algo diferente, e creei un pequeno "arranxo" para percusión corporal e instrumentos melódicos, preferentemente placas/metalonotas, boomwhackers, campás afinadas, etc. por ser fáciles de desinfectar, mais penso que tamén é interesante para tocar con instrumentos virtuais:
Este curso estou nun centro Edixgal, polo que todo o alumnado de 5º e 6º de primaria ten o seu propio portátil (que ademáis é táctil, marabilla!). Así que estou a probar con eles diferentes instrumentos virtuais para tocar todos/as xuntos/as dende o propio dispositivo. Un dous meus preferidos é Xylo (clic), un carillón que ademáis de ter as notas na nosa nomenclatura segue o código de cores máis habitual. O mellor de todo é que non precisamos Flash nin descargar ningunha app, xa que funciona dende o propio navegador web. Tamén me está a funcionar moi ben este teclado virtual (clic).
2. A Familia Addams: xogo de vasos individual.
Non ía renunciar a este clásico, levoo facendo dende que comecei a traballar. O problema? Que orixinalmente é un xogo en corro, no que o alumnado debe intercambiar os vasos, así que prohibidísimo para este ano. Aquí vai unha pequena adaptación que fixen para poder realizado de xeito individual:
3. Sonorización dunha curta.
Outro dos clásicos que levo facendo moitos cursos no Samaín é o de sonorizar esta curta de Disney:
Que si, que sen instrumentos pode parecer complicado... pero non subestimemos as posibilidades sonoras da voz, o corpo, o mobiliario e o material escolar!
En primeiro lugar preséntolles a curta e a vemos prestando atención aos sons e ás escenas. Nos cursos baixos doulles fotocopias con capturas dos fotogramas do vídeo que quero que sonoricen, nos altos gústame que sexan eles quenes decidan que partes sonorizar. Imos anotando quen e como vai facer cada son, probamos e imos encaixando por enriba do vídeo.. et voilà! Pode levar un par de sesións pero vaga a pena. Para finalizar gústame gravar o resultado e editar o vídeo engadindo os seus sons. Requeteencántalles velo como espectadores!
4. Percusión corporal para o tema principal de Harry Potter.
Esta actividade gústame especialmente para os pequenos/as. Ese ritmo interno tan acelerado que teñen lévaos moitas veces a correr cando facemos actividades de percusión, e é algo que traballamos con esta peza. Facemos a percusión con xestos moi amplos e esaxerados, para así tardar máis en chegar ao seguinte golpe. 😉
5. Obras varias para instrumentos melódicos.
Se sodes dos valentes que se atreven coa frauta, ben de xeito telemático ou nos exteriores do cole, velaquí van tres pezas moi propicias para esta tempada: "O fortuna" de Carl Orff, "Marcha Fúnebre" de F. Chopin e a sintonía de "Expediente X". Por suposto tamén son aptas para outros instrumentos melódicos, como os que comentei ao principio do post!
6. Fichas temáticas.
Quen me coñeza sabe que non son eu moi de fichas, pero este ano dada a situación algunha está caendo de cando en vez, mais sempre intento que dentro do que cabe sexan o máis entretidas posibles. Se picas aquí ou na imaxe poderás descargar unhas fichas temáticas que elaborei para 1º ou 2º de Primaria (dependendo do nivel). Hai versión en galego e en castelán.
7. Just Dance!
Si, outra vez. É que me encanta. Ademáis este ano temos moita faltiña de movernos, así que nos últimos 5 minutos da clase de Música non falla.
Como non podemos xuntarnos moito, este curso bailamos individualmente cada un detrás do seu pupitre. Intento buscar vídeos que non requiran grandes desprazamentos e que sexan individuais, así que velaquí vai a miña samainesca selección:
E ata aquí por hoxe. No persoal, a min encántame facer actividades temáticas cando se achega algunha data sinalada, e agardo que algunha destas vos sexa de utilidade se vos tamén sodes do clube.
Ah! E non esquezades que na entrada anterior (clic) compartín un dosier de actividades musicais para festividades, entre as cales se atopa o Samaín! Nel podedes atopar gran variedade de propostas tanto miñas como doutras mestras!
Durante as últimas semanas do verán, comezaron a aflorar as preocupacións sobre como serían as clases de Música nesta nova normalidade: como imparto a miña materia sen aula, sen instrumentos, sen contacto, sen compartir...? Os pilares da educación musical véronse moi afectados pola situación, mais non era momento de lamentacións, senón de buscar solucións.
Como dificultade engadida, é frecuente ademáis que as mestras e mestres de Música sexamos os únicos da nosa especialidade no centro, polo que xa nos últimos anos as redes sociais cobraron unha gran importancia á hora de establecer contactos con outros compañeiros e compañeiras, para así poder compartir ideas e experiencias. Este ano a cousa non ía ser menos, e un furacán de iniciativas apareceron hai uns meses para facilitarnos o comezo deste curso estrano.
E é que, pouco antes de voltar ao cole, un bo grupo de docentes de Música decidimos unirnos para crear diferentes dosieres que conformaran un gran repositorio de actividades musicais, aportando cada un/ha o seu gran de area, e hoxe veño a compartilos eu tamén con vós, por se poden resultar de utilidade nesta tolemia que estamos a vivir. Velaquí van!
1. Dossier de actividades musicais adaptadas á nova normalidade
Este dossier, coordinado por @educamariaa, contén 190 actividades musicais adaptadas á nova normalidade. Nel participamos máis de 152 docentes, e poderás atopar ideas en castelán, galego, inglés, catalán, valencià... todas elas de diversa índole, agrupadas por temáticas (linguaxe musical, audicións, historia da música...). Principalmente hai actividades para Infantil e Primaria, pero tamén hai algunhas para Secundaria ;). Para descargalo fai clic aquí.
2. Dossier de actividades musicais para festividades
Unha idea marabillosa de @la.musica.en.el.bolsillo, na que atoparedes máis de 40 actividades musicais relacionadas coas diferentes festividades que celebramos ó longo do curso escolar (Samaín, Día do Libro, Día da Muller...). Para descargalo pica aquí.
3. Dossier de audicións musicais para Infantil e Primaria
Coordinado por @mimamimaestra, contén máis de 40 actividades para traballar a audición co alumnado de Infantil e Primaria (musicogramas, xogos, actividades de movemento...). Podes descargalo picando aquí.
Participar nestes repositorios colaborativos foi unha experiencia marabillosa e un gran exemplo do positivo das redes sociais. A comunidade formada polo Claustro de Instagram non me trouxo máis que satisfaccións, e é un claro exemplo de xenerosidade e rotroalimentación. Que compartir siga sendo vivir, compañeiras/os!
Agardo que desfrutedes deste material e que vos sexa de utilidade na nova normalidade. Non esquezades citar as fontes das actividades se as compartides nalgún medio, e se tedes dúbidas ou dificultades para acceder a algunha delas, contactade coa súa creadora ou creador, de seguro que vos axudan sen ningún problema! (tedes a súa conta na diapositiva concreta).
Un saúdo, e, coma sempre, que a música vos acompañe!
O inminente curso
escolar preséntase cheo de incertezas, medos e dificultades. Aínda no suposto de que
cambien o actual “protocolo” (por chamalo dalgunha forma) por outro máis serio e realista, é evidente que o
noso día a día no cole seguiría a verse afectado pola situación que estamos a vivir, e por
moito que unha intente desconectar, a cabeza non para. Cóstame imaxinar a miña
aula de música sen pequerrechas/os danzando con panos de cores ou paracaídas, sen ver os sorrisos que produce esa sensación de unión ao cantar, bailar e tocar xuntas/os
sentindo o latexo das compañeiras/os, sen a ilusión de preparar festivais nos
que amosar as nosas artistadas ante centos de ollos espelidos, sen repasar
conceptos compartindo xogos de mesa musicais ou facendo traballos colaborativos...
o camiño é difícil pero agora toca argallar alternativas para que a aula de
Música, aínda que limitada, non perda a súa esencia. Ante as adversidades sempre xorden ideas novas, e de
seguro que cando volvamos ás aulas comezaremos a atopar outras opcións poñendo en marcha a nosa creatividade, para que así o alumnado volva a sentirse cómodo na escola. Porque así somos as mestras e os
mestres. Pero en fin, esta entrada non pretendía ser un desafogo, así que imos
ao miolo:
Durante o confinamento elaborei unha serie de actividades para facer música sen contacto e con poucos materiais, e como compartir é vivir, aquí veño a
partillalas por se poden ser de axuda a alguén e aforrarlle algo de traballo (que
diso xa imos ir cargadiños). Coido que poden ser empregadas tanto na docenciapresencial como na virtual, así que... malo será! Velaquí tedes:
PERCUSIÓN
CORPORAL
A voz e o corpo son os nosos primeiros instrumentos, e polo tanto tamén uns dos máis sensitivos, cousa que gosto de aproveitar na aula. Xogos de mans, acompañamentos rítmicos, composicións corporais e coreografías sempre ocuparon un lugar importante nas miñas programacións para vivenciar directamente os diferentes elementos musicais. Agora as actividades pasarán a ser individuais, mais poden seguir a realizarse ó unísono en gran grupo. Aquí tedes unha lista de reprodución de YouTube con sete exemplos:
INSTRUMENTOS DE
PERCUSIÓN ALTERNATIVOS
Que vos vou
contar, música pode facerse con case calquera cousa, quen non amenizou unha
sobremesa con vasos, culleres, mobiliario...? Aquí van algunhas ideas para
facer música con materiais individuais, económicos e accesibles que podemos pedir ao noso alumnado ao comezo do curso.
-As
culleres:
O certo e que hai
só un par de aniños que introducín este elemento nas miñas clases, e aínda
segue a ilusionarme o interese que suscita na rapazada, quen ía dicir que algo tan
simple e tan noso como un par de culleres xeraría tanta motivación? (Vale,
igual aos monitores/as do comedor non lles parece tan boa idea, pero...😁). Eu
emprego unhas de madeira, mais ao alumnado podemos pedirlle unhas de plástico
duro propias das vaixelas infantís ou incluso de metal, algo que todos temos
por casa.
Se teñen
dificultades no agarre (aos pequeniños/as cóstalles bastante), podemos empregar
o truquiño do “caracol”, unindo ambas culleres cun roliño de papel e celo.
Aquí vai un exemplo de actividade para acompañar o coñecido tema "Jump in the line" con culleres. As figuras azuis por debaixo da liña indican que hai que golpear sobre a perna, as laranxas por enriba da liña, indican que debemos golpear na palma da man (teito) e, neste caso non aparece, pero o redobre pasando as culleres sobre os dedos abertos da man, o indico poñendo tres liñas cruzando a plica da figura.
-Material
escolar:
Xa dixen que se
pode facer música con calquera cousa? Pois iso. O propio material do alumnado
pode ser un instrumento individual fantástico: cadernos, rotus, mesa, cadeira, estoxo... todo soa, ergo todo pode transformarse nun pequeno instrumento.
Algúns exemplos:
Ritmo con rotuladores, ceras, lapis ou semellantes:
Ritmo para caderno e lapis:
Ritmo para cadeira e lapis (ou paíños):
-Vasos:
Isto xa é un clásico nas aulas de Música.
Perdemos os divertidos (e a veces desesperantes 😅) xogos en roda ou en
parella, pero podemos seguir traballando as nosas habilidades de xeito
individual. Aquí unha lista de reprodución de YouTube con varios exemplos:
-Paíños:
Outro clásico, así que pouco hai que contar.
Un elemento económico que probablemente todos/as teñan xa por casa. Eu emprégoos
principalmente para acompañamentos rítmicos, percutindo os paíños entre eles ou
empregándoos como baquetas sobre diferentes superficies alternando esquerda-dereita-xuntos.
Aquí tedes algúns exemplos de actividades:
IDEAS DE MATERIAIS PARA PEDIR AO INICIO DO CURSO
Empregar os instrumentos ó longo deste ano non vai ser doado, polo que como alternativa eu pedirei ao inicio de curso que cada neno/a traia unha bolsiña con materiais diversos para utilizar de xeito individual. Aquí tedes un exemplo dos obxectos que pode conter:
- Paíños chinos. - Vasos de plástico duro. - Culleres de plástico duro ou madeira. - Maraca caseira (pódese facer con ovos de plástico, rolos de papel hixiénico, botellas...). - Pano de tea de calquera tipo. Podemos empregar incluso unha camiseta vella recortada. - Dous tapóns de botella do mesmo tamaño. - Calquera cousa cotiá que poidamos facer soar!
A cousa este ano irá de buscar e probar alternativas! Eu, pola miña banda e para non
saturarvos, deixoo por hoxe. Prometo máis entradiñas con ideas para
recuperar as clases de Música nestes tempos difíciles, teño moito material por
aquí perdido destes últimos meses de caos que está desexando que alguén máis lle saque proveito. 💙
Que a música vos
acompañe e moita forza de cara a setembro!
Un ano máis e sen
moitos cambios velaquí comparto o meu quinto caderniño docente. O formato é o
mesmo dos últimos cursos, xa que é o que me resulta máis práctico no día a día.
A única novidade é que aparecen sinaladas unhas cantas efemérides as que coido
podemos sacar partido na aula. As recomendacións que vos dou son as de sempre:
imprimir a portada en cartolina e sen marxes e o resto a dobre cara en papel de 90 gr. ou máis.
Agardo que vos sexa de utilidade e que, dentro do que cabe, comecemos o curso dun xeito máis responsable do que propoñen actualmente as administracións, as cales están amosando un total descoñecemento da realidade dos centros educativos, expoñendo a familias, alumnado, persoal docente e non docente... igual vai tocando dicir “ata aquí”.
Que a música vos acompañe!
(Coma sempre, se detectades algún erro que se me pasara por alto no caderno ou se queredes facer algunha suxestión para o dos vindeiros anos, léovos!)
Allá por enero del pasado curso, compartía en esta entrada de Instagram una propuesta de juego con dados musicales para trabajar el valor de
las figuras y sus silencios. Dado el éxito que tuvo este nuevo material entre
el alumnado, me he animado a sacarle más partido incluyéndolo en nuevas
actividades.
Buceando por las redes me encontré con esta oca musical de @xogandoconlalarala, y me pareció una idea maravillosa para aunar
diversos contenidos y dar un nuevo uso a los dados. Así que me puse manos a la obra elaboré mis propias
versiones enfocadas a contenidos de Primaria a través de esta fantástica herramienta del portal ARASAAC (clic), que ya había utilizado en ocasiones para adaptar materiales.
Para comenzar el juego cada alumno/a tira una vez los dos
dados juntos y suma sus valores. Empezará la partida el que consiga un valor
más alto y seguirán en el sentido de las agujas del reloj. Luego, simplemente
es necesario conocer el significado de las casillas para avanzar hasta la meta:
Clave de Sol: vamos “de clave a clave y tiro
porque me sale”. Es el equivalente a la oca.
Instrumento: si caemos en el dibujo de un
instrumento, debemos decir su nombre y/o familia. Si nos equivocamos volvemos a
la casilla en la que estábamos antes de tirar.
Orquesta: vamos “de orquesta a orquesta y tiro
porque me presta”. Es el equivalente al puente de la oca original.
Nota musical: debemos decir el nombre de la
nota que aparece en el pentagrama. Si nos equivocamos, volvemos a la casilla en la que estábamos antes de
tirar.
Sostenido: si caemos en el #, vamos una casilla
hacia delante.
Bemol: si caemos en el b, vamos una casilla
hacia atrás.
Signo de repetición: volvemos a tirar.
Calderón: dos turnos sin tirar.
Calavera Da Capo: volvemos a empezar el juego.
Meta: gana el primero en llegar.
Es una actividad bien sencilla que nos sirve para
repasar y afianzar estos contenidos. Aquí os dejo los descargables de la oca por si os son de utilidad (recomiendo imprimir en tamaño A3 y plastificar):
Como veis, en el descargable aparecen tres versiones: una de instrumentos, una de notas y otra que combina ambos elementos. Con la herramienta de ARASAAC anteriormente citada podéis crear fácilmente vuestra propia versión y adaptarla al nivel y a los contenidos que os interesen.
Y ya para terminar... recordad que aquí
y aquí teneis entradas con actividades para los primeros días en el aula de
Música, por si queréis echarles un vistazo :). ¡Buen comienzo de curso, compañeras/os!
Un año más, a modo de regalo para celebrar la llegada de las vacaciones, comparto con vosotras/os mi cuaderno docente para el próximo curso. Es similar al del año pasado, aunque incluye algunas mejoras (calendarios mensuales, más espacio en las evaluaciones...). Como siempre, está en gallego, ya que es la lengua que utilizo habitualmente. Espero que os sea de utilidad.
Aquí dejo algunas capturas de las secciones que podéis encontrar en él, y al final de esta entrada podéis acceder al descargable alojado en Drive (o también haciendo clic aquí). ¡Que paséis un buen verano!
1. Portada y apartado para datos personales:
2. Calendario escolar de Galicia y horarios:
3. Calendario mensual a doble página:
4. Planificador de clases semanal y agenda:
5. Portada mensual con apartado para tomar notas en las reuniones:
6. Apartado para la evaluación del alumnado:
DESCARGABLE:
Si quieres mi versión de la agenda personalizada con Bitmoji (un poco más alegre, con dibujitos en las festividades y demás) puedes hacer clic aquí.
